Haxhiu: Pensionet kontributdhënëse duhet t’i marrin të gjithë pensionistët që kanë punuar

15:26 | 15 Tetor 2020
A Z

Deputetja e AAK-së, Teuta Haxhiu, ka shpalosur nismën ligjore për ndryshimin e Ligjit për skemat pensionale të financuara nga shteti.

Ajo përmes një konference për media tha se pensionet kontributdhënëse duhet t’i marrin të gjithë pensionistët për aq sa kanë punuar, e jo të zbatohet udhëzimi administrativ i vitit 2015, i cili sipas saj është diskriminues dhe se bazë tij pensione marrin vetëm ata që kanë punuar në sistemin okupues.

Deputetja u shpreh optimiste se ky plotësim i ligjit do të gjejë përkrahje tek të gjitha grupet parlamentare, ndërsa adresoi kritika edhe për ministrin e këtij dikasteri, Skënder Reçica.

“Meqenëse qeveria nuk është e gatshme, pensionet kontributdhënëse të marrin të gjithë pensionistët për aq sa kanë punuar. Diskriminuese është se pensione marrin ata që kanë punuar në kohën e ish sistemit. Arsyetimi i ministrit se kemi hartuar një koncept-dokument është një rrugë e gjatë për të vonuar procesin”, tha ajo.

Shpërndaje në rrjete sociale

Lajmet më të lexuara

Të ngjashme

Foto lajm